«Հրապարակ» օրաթերթը գրում է. «Վանաձոր համայնքի ավագանու երեկվա նիստին առաջին անգամ մասնակցել է Վանաձորի ավագանու «Լուսավոր Հայաստան» խմբակցությունը: Ի տարբերություն «Լուսավոր Հայաստանի», նիստին չեն մասնակցել ավագանու ԲՀԿ խմբակցության 3 ավագանիները, թեպետ նախօրեին քննարկել էին բոյկոտը համատեղ դադարեցնելու հարցը։ Հաջորդ նիստերին ԲՀԿ ավագանին կմասնակցի։
Ուշագրավ է, որ երեկ ընդունվել է Վանաձորի 2018 թվականի բյուջեն, եւ չի բացառվում՝ ԲՀԿ-ականները որոշել են չմասնակցել, որպեսզի որեւէ մեկը «պատահաբար» կողմ չքվեարկի։ Բյուջեին «Լուսավոր Հայաստանի» ներկայացուցիչները դեմ են քվեարկել՝ ասելով, որ այն «անգրագետ» ու խնդրահարույց է, օրինակ՝ բազում կրճատումներ է նաեւ նախատեսում»:
Առավել մանրամասն՝ «Հրապարակ» օրաթերթի այսօրվա համարում
.gif)
