Ինչպես համեղ և ճիշտ պատրաստել խոզի բուդը

Ինչ խոսք, խոզի բուդը դարձել է ամանորյա սեղանի անբաժանելի մասը: Իսկ ինչպես ճիշտ և համեղ պատրաստել այն:

5 կգ խոզի բդին՝

սխտոր՝ 15 պճեղ,

գազար՝ 1 հատ,

մանանեխ՝ 2 ճաշի գդալ,

պղպեղի հատիկներ՝ 20 հատ,

քրքում՝ 1 թեյի գդալ,

դափնու տերև,

սև պղպեղ, աղ:

Պատրաստման եղանակը

Խոզի բուդը պատառաքաղով ծակծկել, տեղ-տեղ դանակով անցք անել և մեջը խրել սխտորը, գազարը (շրջանաձև կտրատած) և հատիկ պղպեղը։ 4-5 ժամ թողնել աղաջրում։

Այնուհետև դուրս բերել։ Համեմել մանանեխով, աղով ու համեմունքներով, տեղափոխել կաղապարի մեջ, կողքերը դափնու տերևներ շարել, ապա ծածկել փայլաթիթեղով։

Կաղապարի մեջ ջուր լցնել և 220° С ջեռոցում եփել 4 ժամ։ Վերջում հեռացնել փայլաթիթեղը և թողնել՝ կարմրի։