Իսպանիայում հազարավոր մեքենաներ արգելափակվել են ձյան մեջ

Իսպանիայի ճանապարհներին մի քանի հազար ավտոմեքենա հայտնվել է արգելափակման մեջ, մի քանի տասնյակ ճանապարհներ փակ են: Պատճառը վատ եղանակային պայմաններն են,  ձյան հետեւանքների վերացման ուղղությամբ տարվող աշխատանքներին միացել են նաեւ զինվորականները:

Առավել դժվար իրավիճակում են Մադրիդը երկրի հյուսիս-արեւմուտքին կապող A-6 եւ AP-6 ավտոճանապարհները: Մոտ 4 հազար ավտոմեքենա արգելափակման մեջ է հայտնվել, վարորդները անցյալ գիշերը անցկացրել են ավտոճանապարհին՝ մեքենաների մեջ: