Հունվարի 28-ին Նյու Յորքիում կայացել է ամենամյա «Գրեմմի» երաժշտական մրցանակաբաշխությունը, որի ժամանակ հեղինակավոր մրցանակին են արժանացել երաժշտական ոլորտի ամենատարբեր ուղղությունները ներկայացնող տասնյակ հայտնիներ:
Ներկայացնում ենք հիմնական անվանակարգերում հաղթողներին՝
«Տարվա ալբոմ» է ճանաչվել Բրունո Մարսի 24K Magic ալբոմը։
«Տարվա ձայնագրություն» անվանակարգում հաղթող է ճանաչվել դարձյալ Բրունո Մարսը 24K Magic ալբոմի համար։ Այս ալբոմը եւս մեկ արձանիկ է ստացել լավագույն պրոդյուսերությամբ ալբոմի համար։ Երգիչը պարգևատրվել է նաեւ Best R&B Album անվանակարգում։
«Տարվա երգը» անվանակարգում հաղթել է Բրունո Մարսի That’s What I Like երգը։ Բացի դրանից երգչի երգը պարգեւատրվել է Best R&B Song եւ Best R&B Performance անվանակարգերում։
Լավագույն պոպ կոմպոզիցիան է ճանաչվել Էդ Շիրանի Shape of You երգը ։ Նա ստացել է «Գրեմմի» նաեւ լավագույն սոլո պոպ ալբոմի համար (Divide)։
Լավագույն ռոք ալբոմ՝ The War On Drugs խմբի A Deeper Understanding-ը։
The Rolling Stones-ը ստացել է «Գրեմմի» Blue&Lonesome ալբոմի համար Best Traditional Blues Album անվանակարգում։
Շաքիրան El Dorado ալբոմի համար ստացել է «Գրեմմի» Best Latin Pop Album անվանակարգում։
Best Urban Contemporary Album անվանակարգում հաղթել է The Weeknd –ը՝ իր Starboy ալբոմի համար
Լավագույն ռոք երգ է ճանաչվել Foo Fighters–ի Run–ը:
Քենդրիք Լամարի Humble երգի տեսահոլովակը լավագույն տեսահոլովակ է ճանաչվել։ Այս երգը ստացել է մրցանակ նաև Best Rap Song եւ Best Rap Performance անվանակարգերում։ Ռիհաննայի հետ նրա Loyalty զուգերգը ստացել է մրցանակ Best Rap/Sung Performance անվանակարգում։ Ի դեպ, նա է հաղթել նաև լավագույն ռեպ ալբոմ անվանակարգում DAMN ռեպ ալբոմի համար։
Depeche Mode խումբը ստացել է «Գրեմմի» You Move(Latroit Remix) երգի լավագույն ռեմիքսի համար։
Նշենք, որ «Գրեմմի» մրցանակաբաշխությանը Տիգրան Մանսուրյանը և Կոնստանտին Օրբելյանը «Գրեմմի» չստացան:
.gif)
