«Հրապարակ» օրաթերթը գրում է. «Վարչապետ Կարեն Կարապետյանն այսօր մեկնում է Ղազախստան։ Փետրվարի 1-2-ին Ալմաթիում կայանալու է ԵԱՏՄ միջկառավարական խորհրդի հերթական նիստը։ Մասնակցելու է նաեւ «Թվային օրակարգ․ գլոբալիզացիայի դարաշրջանում» խորագրով միջազգային համաժողովին։ Պատվիրակության կազմը մեծ չի լինելու՝ վարչապետը, Վաչե Գաբրիելյանը, Շավարշ Քոչարյանը։ Նիստն անցկացվելու է ԵԱՏՄ անդամ երկրների վարչապետների մասնակցությամբ։ Առանձնապես մեծ սպասելիքներ պետք չէ ակնկալել, հերթական նիստն է, որին, որպես անդամ երկիր, պարտավոր ենք մասնակցել։ Նշենք, որ Ղազախստանում այս օրերին աննախադեպ սառնամանիք է՝ մինչեւ -40 աստիճան։ Թեեւ Ալմաթիում մի փոքր տաք է»:
Ավելի մանրամասն` թերթի այսօրվա համարում:
.gif)
