Այսօր փաստաբանները կրկին դիմել են գործադուլի` կապված օրենսդրական փոփոխությունների հետ, որը ենթադրում է տուգանքներ նրանց նկատմամբ: Այսօր Փաստաբանների պալատում կրկին քննարկում էր հրավիրված հետագա անելիքների շուրջ: Փաստաբանների պալատի նախագահ Արա Զոհրաբյանը նշեց, թե ինքը քննարկումներ է ունենալու նաև ԱԺ խմբակցությունների հետ:
Փաստաբանների պալատի նախագահը նշեց, թե ուսումնասիրել են ԱԺ կանոնակարգ-օրենքը և հայտնաբերել, որ իրենց վերաբերող դրույթն անօրինական է ընդունվել:
«Ազգային ժողովի կանոնակարգ-օրենքի համաձայն, ընթացակարգը պետք է բացառի մանիպուլյացիաները: Հետաքրքիր մի քանի դիտարկում ունենք. օրինակ` օրենքը քննարկվում է երկու ընթերցմամբ և ՀՀ նոր նախագահի կողմից ստորագրվելուց հետո կդառնա պարտադիր ակտ: Քննարկվել է քաղաքացիական օրենսգիրքը, որն առաջին ընթերցմամբ անցել է, սակայն երկրորդ ընթերցման ժամանակ առաջացել են երկու նոր օրինագծեր և եթե ընդունվեն, նշանակում է` դրանք մեկ ընթերցմամբ են քննարկվել»,- մանրամասնեց Զոհրաբյանը:
Մանրամասները` ArmLur.am-ի տեսանյութում:
.gif)
