ՀՀԿ-ի կողմից նախագահի թեկնածու առաջադրված Արմեն Սարգսյանը և «Ծառուկյան» խմբակցության ղեկավար, ԲՀԿ առաջնորդ Գագիկ Ծառուկյանն առանձնազրույց են ունեցել: ԱԺ «Ծառուկյան» խմբակցության պատգամավոր, Գագիկ Ծառուկյանի մամուլի խոսնակ Իվետա Տոնոյանը ArmLur.am-ին հայտնեց, որ հանդիպմանը քննարկվել են մի շարք հարցեր, սակայն բովանդակային այլ մանրամասներ չներկայացրեց:
Թեկնածուի հետ կապված վերջնական որոշումը «Ծառուկյան» խմբակցությունը կհայտնի այն ժամանակ, երբ Գագիկ Ծառուկյանը կհանդիպի խմբակցության պատգամավորների հետ:
Հիշեցնենք, որ ավելի վաղ կայացել է Արմեն Սարգսյանի հանդիպումը «Ծառուկյան» խմբակցության պատգամավորների հետ:
.gif)
