ՖՈՏՈ. Ովքե՞ր են բոլոր ժամանակների ամենահայտնի հայ «օրենքով գողերը» և ում է սպառնում Ռուսաստանից վտարում

Ինչպես հայտնի է` Ռուսաստանից «օրենքով գողերի» արտաքսման մեկնարկը տրված է:

«Այժմ երկրից պատրաստվում են Վրաստան աարտաքսել 51-ամյա Ասլան Քոբուլաձեին և Սուլիկո Շարիքաձեին, իսկ Ղրղզստան՝ 43-ամյա Քամչիբեկ Քոլբաևին»,- հայտնել է «Комсомольская правда» պարբերականը՝ հղում անելով ՌԴ ՆԳՆ-ում իր աղբյուրներին:

Նշվում է, որ քրեական հեղինակությունների շրջանում զտումները պայմանավորված են մոտեցող Ֆուտբոլի աշխարհի առաջնության հետ, որը մեկնարկում է 2018թ. հունիսին: Պարբերականի աղբյուրի խոսքով՝ այժմ Ռուսաստանում 432 «օրենքով գող» կա: «Օրենքով գողերի» թվով առաջին եռյակում են ազգությամբ վրացիները (242 մարդ), ազգությամբ ռուսներն (51 մարդ) ու ազգությամբ հայերը (30 մարդ), եզդի (26), ադրբեջանցի (16), աբխազ (10):

Ռուսական լրատվամիջոցները նշում են արդեն իսկ հայտնի մի քանի հայ «օրենքով գողերի» անունները, որոնք ամենայն հավանականության երբեմն լինում են ՌԴ-ում: Ըստ այդմ` ԶԼՄ-ները հաղորդում են, որ առավել հայտնի «օրենքով գողերից» ոչ բոլորն են մշտական բնակվում Ռուսաստանում: Իսկ թե թվարկվածներից ում է սպառնում ժամանակավոր վտարումը, ԶԼ միջոցները հստակ ասել չեն կարող:

Նշվում է, որ բոլոր ժամանակների հայ «օրենքով գողերից» ամենահայտնիներն են եղել 57-ամյա Կամո Սաֆարյանը, Ռաֆայել Բաղդասարյանը (Սվո Ռաֆը), Ռուդոլֆ Օգանովը (Ռուդիկ Բակինսկի), Վլադիմիր Օգանովը (Վաչիկոս), Արայիկ Առաքելյանը (Արո), Հայկ Առաքելյանը (Հայկո), Հարություն Ռոստոմյանը (Հարութ Էջմիածինցի), Վարդգես Ասլանյանը (Ցիպո), Ռաֆիս Գաբսալյամովը (Գրինյա Ալմետևսկի), Վաչիգան Պետրոսովը (Վաչիկոս), Տիգրան Ասատրյանը Մարսպետունի Պետրոսյանը, Ռոբերտ Սարգսյանը (Ռոբիկ), Նիգալ Բարսեղյանը (Նիկոլ), Անդրանիկ Սողոյանը (Զապ), Ալբերտ Իսոյնաը (Աբուլիկ), Էդիկ Ասատրյանը (Էդիկ Ասետրինա), Նորիկ Կալաչյանը (Նորիկ Աշտարակցի), Սերժ Ջիլալյանը, Գևորգ Մելիքյանը (Օշականցի Գևորիկ), Մայիս Կարապետյանը (Մայիս Կիրովականցի), Արման Ջանինյանը (Արման Կալուժցի), Ռաֆիկ Խոյեցյանը (Խոյ):