Ռեալը կփորձի գնել Արսենալի երիտասարդ հարձակվողին

Մադրիդի «Ռեալը» պատրաստվում է ձեռք բերել Լոնդոնի «Արսենալի» հարձակվող Ռեյս Նելսոնին,- փոխանցում է AS-ը:

«Արքայական ակումբի» ղեկավարությունը մտադիր է 18-ամյա ֆուտբոլիստի տրանսֆերն իրականացնել ամռանը: «Զինագործների» հետ անգլիացու պայմանագիրն ավարտվում է 2019 թվականին:

Ընթացիկ մրցաշրջանում Նելսոնն «Արսենալի» կազմում մասնակցել է 14 հանդիպման, որոնցից 8-ը Եվրոպա լիգայում: