Դավիթ Հարությունյանի խոսքով՝ նախկինում հեշտ էր ՔԿՀ մտնելու թույլտվություն տրվում, քանի որ լրագրողները քիչ էին. «Հրապարակ»

«Հրապարակ» օրաթերթը գրում է. «Երեկ «Հրապարակի» թղթակիցը Դավիթ Հարությունյանին հիշեցրել է, որ երբ նա 2000-ականներին արդարադատության նախարար էր, լրագրողները խնդիր չունեին քրեակատարողական հիմնարկներ այցելելու հետ կապված, ԶԼՄ-ի ղեկավարի դիմումը 3 օրում բավարարվում էր, ինչո՞ւ հիմա թույլ չեն տալիս լրագրողներին մտնել ՔԿՀ-ներ։ Նա պատասխանել է․ «Այն ժամանակ թիվը սահմանափակ էր այն անձանց, ովքեր ներկայանում էին որպես լրագրող։ Այսօր յուրաքանչյուր անձ կախում է կրծքից բեյջ, անունը դնում «elak.am» կայքի լրագրող, ներկայանում եւ ասում՝ խնդրում եմ, թույլ տվեք, որ ես մուտք գործեմ ՔԿՀ։ ՔԿՀ-ն, չմոռանանք, հանգստյան վայր չէ, կալանավայր է, հատուկ ռեժիմային գոտի»։ Սակայն ամբողջ խնդիրն այն է, որ կալանավայրեր չեն թույլատրում ոչ թե «ելակ․ամ»-ների, այլ «Հրապարակի» եւ մյուս հայտնի ԶԼՄ-ների լրագրողներին։

Ավելի մանրամասն՝ թերթի այսօրվա համարում: