«Ժամանակ» օրաթերթը գրում է. «Չնայած ՀՀ ԱԳՆ-ն նախօրեին հայտնել էր, որ Կեմերովոյի «Զիմնյայա վիշնյա» առևտրի կենտրոնում մարտի 25-ին տեղի ունեցած հրդեհի զոհերի թվում ՀՀ քաղաքացիներ կամ ազգությամբ հայեր չկան, պարզվեց հրդեհի հետևանքով զոհերի թվում հայեր կան: «Ամեն օր նոր փաստեր են ի հայտ գալիս Կեմերովոյի «Զիմնյայա վիշնյա» առևտրի կենտրոնում տեղի ունեցած հրդեհի հետևանքով մահացածների և անհետ կորածների մասին»,- «Ժամանակ»-ին փոխանցեց Ռուսաստանի հայերի միության նախագահ Գեորգի Անտոնովը:
«Միայն այսօր տեղի ԱԻՆ-ը հայտնեց, որ անհետ կորածների ցանկում են 1975 թվականի ծնված Դմիտրի Գալանինը և 2008 թվականի ծնված Միխայիլ Գալանինը: Դմիտրիի հարազատ հայրը և Միխայիլի պապը Սարգիս Խումարյանն է, որը ծնունդով Վրաստանի Ախալցխա քաղաքից է, բայց բնակվում է Կեմերովոյում: Երբ հայտնի դառնա հայերի մասին որևէ նոր տեղեկություն, լրացուցիչ այդ մասին կհայտնեմ»,- եզրափակեց նա:
Ավելի մանրամասն՝ թերթի այսօրվա համարում:
.gif)
