Արտակարգ իրավիճակների նախարարության լրատվական ծառայության փոխանցմամբ՝ երեկ՝ ապրիլի 7-ին, ժամը 20:17-ին ՀՀ ԱԻՆ-ում ահազանգ է ստացվել, որ Կոտայքի մարզի Նոր Գեղի գյուղում՝ պեմզաբլոկի արտադրամասի չորանոցում, տեղի է ունեցել փլուզում: Կա տուժած. անհրաժեշտ է փրկարարների օգնությունը:
Դեպքի վայր են մեկնել մեկ մարտական հաշվարկ, Ճգնաժամային կառավարման ազգային կենտրոնի և մարզային ճգնաժամային կառավարման կենտրոնի օպերատիվ խմբերը:
Ըստ ստացված տեղեկության՝ դեռևս չբացահայտված հանգամանքներում փլուզվել են Նոր Գեղի գյուղի Մաշտոցի փողոցի թիվ 26 տանը կից շինության պատը (մոտ 15 քմ) և ծածկը (մոտ 20 քմ):
Փրկարարները փլատակներից դուրս են բերել՝ 1977 թ. ծնված Ա. Ա.-ի դին և հանձնել շտապօգնության աշխատակիցներին:
.gif)
