Հայաստանի կառավարությունը մշակույթի նախարարությանը կհատկացնի 140 մլն դրամ: ArmLur.am-ը տեղեկացավ, որ նշված գումարով կկազմակերպվի եւ կանցկացվի «Գորիսը`2018 թվականի ԱՊՀ մշակութային մայրաքաղաք» միջպետական ծրագիրը:
Նշենք, որ «ԱՊՀ մշակութային մայրաքաղաքներ» միջպետական ծրագիրը մեկնարկել է դեռեւս 2010 թվականին: Ծրագրի կանոնակարգի համաձայն` ԱՊՀ մշակութային մայրաքաղաքները հայտարարվում են ԱՊՀ երկրների կողմից կատարված առաջարկությունների հիման վրա` ըստ հերթականության յուրաքանչյուր պետություն առաջադրում է իր երկրի մայրաքաղաք չհանդիսացող մեկական քաղաք:
Եւ ArmLur.am-ին հայտնի դարձավ, որ Հայաստանը 2016 թվականի դեկտեմբերի 5-ին ԱՊՀ գործադիր կոմիտե է ներկայացրել առաջարկություն Սյունիքի մարզի Գորիս համայնքը 2018 թվականի ԱՊՀ մշակութային մայրաքաղաք հայտարարելու վերաբերյալ: Առաջարկությունը ներկայացվել է ԱՊՀ երկրների արտաքին գործերի նախարարների խորհրդի հաստատմանը: Մենք տեղեկացանք, որ այն հաստատվել է ԱՊՀ երկրների պետությունների ղեկավարների կողմից Սոչիում կայացած խորհրդի նիստի ժամանակ:
.gif)
