Ռոնալդուն մրցաշրջանի ընթացքում առաջին անգամ կարող է պահեստայիններին մնալ Սանտյագո Բեռնաբեուում

«Ռեալի» հարձակվող Կրիշտիանու Ռոնալդուն կարող է բաց թողնել Իսպանիայի առաջնության հերթական տուրի` «Լեգանեսի» հետ տնային խաղը:

Ինչպես հայտնում է «El Mundo Deportivo»-ն, «Ռեալի» մարզչական շտաբը ցանկանում է պահել ֆուտբոլիստի Չեմպիոնների լիգայի 1/2 եզրափակչի` «Բավարիայի» հետ պատասխան խաղի համար:

Նշենք` սա մրցաշրջանի առաջին խաղը կլինի, երբ Ռոնալդուն «Սանտյագո Բեռնաբեու» մարզադաշտում կմնա պահեստայինների նստարանին: Ավելի վաղ նա բաց է թողել միայն արտագնա խաղերը: