Արդարադատության նախարար Արտակ Զեյնալյանն այսօր լրագրողների հետ զրույցում անդրադարձել է «Սասնա ծռերի» աջակիցների բողոքի ակցիաներին: Նա նշեց, որ բողոքի ակցիաներ իրականացնողները պետք է հաշվի առնեն այլոց իրավունքները:
«Յուրաքանչյուրը պետք է հաշիվ տա իրեն և իր գործողություններն այնպես անի, որ չվնասի ընդհանուր շահը: Եթե մեր մտքով ինչ որ բան է անցնում, չպետք է բացառել, որ դա կարող է հակասել ուրիշների կարծիքներին»,- նշեց նորանշանակ նախարարը:
Հիշեցնենք, որ արդեն մի քանի օր է, ինչ «Սասնա ծռերի» աջակիցները բողոքի ակցիաներ են իրականացնում Երեւանում՝ պահանջելով ազատ արձակել նրանց:
.gif)
