Փրկարարական ծառայություն մայիսի 20-ին ահազանգ է ստացվել, որ Երևան քաղաքի Գրիգոր Հասրաթյան փողոցում տեղի է ունեցել ճանապարհատրանսպորտային պատահար:
Ինչպես տեղեկացնում են ՀՀ ԱԻն լրատվական ծառայությունից, դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Գ. Հասրաթյան փողոցի թիվ 14/3 շենքի մոտակայքում բախվել են «Mercedes» մակնիշի (վարորդ՝ Մ. Հ.) և «ՎԱԶ-2106» մակնիշի (վարորդի տվյալները չի հաջողվել պարզել) ավտոմեքենաները: Ավտոմեքենաների տուժած մանկահասակ ուղևորները՝ Ս. Թ., 2016 թ. և Ա. Մ., 2016 թ., հոսպիտալացվել են «Սուրբ Աստվածամայր» ԲԿ:
Ստանալով անհրաժեշտ բուժօգնություն՝ Ա. Մ.-ն դուրս է գրվել, իսկ Ս. Թ.- ի առողջական վիճակը բժիշկները գնահատել են բավարար:
.gif)
