Վերջին շրջանում «Քաղաքացիական պայմանագիր» կուսակցություն դպրոցի տնօրեններ, ուսուցիչներ կամ ռեկտորներ չեն ընդունվել: «Արմենպրես»-ի հաղորդմամբ՝ ՀՀ կրթության և գիտության նախարար Արայիկ Հարությունյանն այս մասին ասաց լրագրողների հետ ճեպազրույցում:
«Ուսուցիչներից և ռեկտորներից ՔՊ ընդունվելու դիմումներ չկան: Կուսակցությունը շարժման ընթացքում տեսնելով հնարավոր վտանգները, որ պատեհապաշտները կարող են տեղ գտնել, դադարեցրել է անդամագրումը: ՔՊ-ն շատ լուրջ ֆիլտրեր է դրել, որպեսզի դրանում տեղ գտնեն այն մարդիկ, ովքեր իրականում ուզում են կուսակցական գործունեությամբ զբաղվել, այլ ոչ թե հասնել պաշտոնների»,-ասաց նախարարը:
Անդրադառնալով դպրոցների այն տնօրեններին և ուսուցիչներին, որոնք Հանրապետական կուսակցության անդամ են, ասաց՝ եթե ցանկանում են մնալ այդ կուսակցությունում, արգելքներ չեն լինի: «Եթե այդ մարդը կուսակցական գործունեությամբ չի զբաղվում դպրոցում, ես իրավունք չունեմ խախտել Սահմանադրությունը: Իսկ եթե ցանկանան դուրս գալ կուսակցությունից, ապա ոչ մի տնօրեն կամ մարզպետ չի կարող ընդդիմանալ նրանց կամքին»,-եզրափակեց Հայրապետյանը:
.gif)
