Գյումրիում բռնկված հրդեհը մարելուց հետո հրշեջները այրված դի են հայտնաբերել

Հունիսի 12-ի՝, ժամը 00:34-ին, «911» ծառայությանը տեղեկություն է ստացվել, որ Շիրակի մարզի Գյումրի քաղաքի Երևանյան խճուղու վերջնամասում տեղադրված «Գյումրի» ցուցանակի հետնամասում ծուխ է նկատվում:

Արտակարգ իրավիճակների նախարարության լրատվական ծառայության փոխանցմամբ, դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ հրդեհը բռնկվել է Ազատանի խճուղու թիվ 55/1 հասցեի մոտակայքում գտնվող չբնակեցված շինությունում (մոտ 160 քմ)։

Հրդեհը մեկուսացվել է ժամը 01:07-ին, մարվել՝ 01:41-ին: Այրվել են կենցաղային իրեր (մոտ 15 քմ)։

Հրշեջ-փրկարարները շինության ներսում հայտնաբերել են Շ. Մ.-ի (ծնված 1952 թ.) այրված դին և մոտեցրել շտապօգնության ավտոմեքենային: