ArmLur.am-ին հետաքրքիր մանրամասներ են հայտնի դարձել ՀՀԿ Գործադիր մարմնի վերջին նիստից: Մասնավորապես, ArmLur.am-ի աղբյուրները հայտնում են, որ հինգշաբթի օրը կայացած նիստի ժամանակ նախկին վարչապետ Կարեն Կարապետյանը հրաժարվել է կուսակցության առաջին փոխնախագահի պաշտոնից, եւ նրա այդ հայտարարությունն ընդունվել է ի գիտությւուն:
Չի բացառվում նաեւ, որ առաջիկայում հայտնի դառնա նաեւ նրա` առհասարակ ՀՀԿ-ից դուրս գալու որոշման մասին: Հավելենք, որ այդ օրը տեղի ունեցած ՀՀԿ ԳՄ նիստից հետո լրագրողների հարցերին ոչ ոք այդպես էլ չպատասխանեց. բոլորը, խուսափելով հարցերից, հեռացան:
Հիշեցնենք, որ Կարեն Կարապետյանն, ըստ էության, պարտադրված դարձավ կուսակցական, քանի որ ստանձնել էր ՀՀ վարչապետի պաշտոնը: Նշենք, որ նա կուսակցությանն անդամագրվելու դիմում էր ներկայացրել 2016 թվականի նոյեմբերի 24-ին:
.gif)
