Արդեն հայտնել ենք, որ այսօր հրավիրվել էր Երկրապահ կամավորականների միության (ԵԿՄ) վարչության նիստ, որի ընթացքում որոշվել է լիազորություններից զրկել ԵԿՄ վարչության նախագահ Մանվել Գրիգորյանին:
Այս մասին դռնփակ նիստից հետո լրագրողների հետ զրույցում հայտնեց ԵԿՄ վարչության փոխնախագահ Համլետ Հայրապետյանը`նշելով, որ բուռն քննարկում են ունեցել: «Շատ բուռն քննարկումներ եղան, երևի ձայներ լսեցիք»,- ասաց նա:
Հրապարակում ենք նիստում ընդունված հայտարարությունը:
«ՀՀ ԵԿՄ վարչությունը, հանգամանալից քննարկելով վերջին իրադարձությունները՝
– խստիվ դատապարտում է կատարված, ինչպես նաեւ երկրում տեղի ունեցող ցանկացած անթույլատրելի արարք,
– կասեցնում է ԵԿՄ վարչության նախագահի լիազորությունները,
– վարչությունը հանձնարարում է փոխնախագահներին եւ անդամներին՝ ստեղծել նախաձեռնող խումբ, ողջամիտ ժամկետում կազմակերպել վարչության նիստ՝ համագումար հրավիրելու համար»:
.gif)
