Վազգեն Մանուկյանը պատրաստ է հանուն քաղաքականության թողնել Հանրային խորհուրդը

«Ժողովուրդ» օրաթերթը զրուցել է դեռեւս գործող Հանրային խորհրդի նախագահ Վազգեն Մանուկյանի հետ:

-Դուք ցանկություն ունե՞ք նորից աշխատելու` որպես ՀԽ նախագահ:

-Նայած` ինչ խնդիրներ կդրվեն Հանրային խորհրդի առջեւ: Ես կուզեի շարունակել, բայց եթե ընտրությունները լինեն, մեր կուսակցությունը գուցե մասնակցի, եւ հնարավոր է…ես ավելի լավ կլինի` զբաղվեմ այդ գործերով: Կերեւա ապագայում:

-Այսինքն` Դուք ցանկություն ունեք խորհրդարանում լինել որպես պատգամավոր:

-Ո՛չ, եթե կուսակցությունն ընտրություններին մասնակցի եւ նույնիսկ 5 տոկոսանոց շեմը հաղթահարի, դժվար թե ես համաձայնեմ պատգամավոր աշխատել: Բայց ես շատ կուզեի, որ մեր կուսակցությունն իր գաղափարախոսությամբ եւ կադրերով ներկայացված լինի Ազգային ժողովում:

Ամբողջական հարցազրույցը կարող եք ընթերցել «Ժողովուրդ» օրաթերթի վաղվա համարում։