Լուսանկարն արվել է Աբովյան փողոցում
Տպավորություն է, որ այս կատուն, եղանակային շոգ պայմաններից ելնելով, լոգանք է ընդունել ու պառկել հովին` հանգստանալու: Կամ էլ լվացք է արել, փռել արեւին ու քնել:
ՀԱՐՑ. Խնդրում եմ ասեք` որո՞նք են ծնողական իրավունքից զրկելու հիմքերը: Ի՞նչն է պատճառ հանդիսանում ծնողական իրավունքից զրկելուն:
Լարիսա Առաքելյան (40 տարեկան, տնային տնտեսուհի)
ՊԱՏԱՍԽԱՆ. Հայտնում ենք, որ ծնողական իրավունքներից զրկելու հիմքերն են`
– երեխայի դաստիարակության պարտավորությունից խուսափելը,
– երեխայի նկատմամբ դաժան վերաբերմունքը,
– ծնողների մոտ խրոնիկ ալկոհոլիզմի կամ թմրամոլության առկայությունը,
– երեխայի ցանկացած տեսակի շահագործումը երեխային մուրացկանության եւ շրջմոլիկության է ստիպում,
– երեխայի նկատմամբ դիտավորությամբ կատարած հանցագործության համար ծնողներից մեկի դատապարտումը:
Միաժամանակ հայտնում ենք, որ անձինք կարող են զրկվել ծնողական իրավունքներից իրենց բոլոր երեխաների կամ երեխաներից մեկի նկատմամբ:
«Ձեր իրավախորհրդատու» փաստաբանական ընկերություն
«ԺՈՂՈՎՈՒՐԴ». Տեղեկացնենք, որ տասը տարին լրացած երեխայի նկատմամբ ծնողական իրավունքների վերականգնումը հնարավոր է միայն նրա համաձայնությամբ: Ծնողական իրավունքների վերականգնում չի թույլատրվում, եթե երեխան որդեգրված է, եւ դա չեղյալ հայտարարված չէ:
ՀԱՐՑ. Ես ուզում եմ իմանալ` ո՞ր աշխատողներն իրավունք չունեն սոցիալական փաթեթի ծառայություններից օգտվել:
Հեղինե Հարությունյան (34 տարեկան, վաճառողուհի)
ՊԱՏԱՍԽԱՆ. Հ. Հարությունյանի հարցին ի պատասխան` տեղեկացնում ենք, որ սոցիալական փաթեթը չի տարածվում տվյալ մարմնում սոցիալական փաթեթի շահառուի վերջին վեց ամսվանից պակաս աշխատանքային ստաժ ունեցող անձանց (բացառությամբ հղիության եւ ծննդաբերության նպատակային արձակուրդից, մինչեւ երեք տարեկան երեխայի խնամքի համար տրամադրվող նպատակային արձակուրդից, կադրերի ռեզերվից, պարտադիր ժամկետային զինվորական ծառայությունից վերադարձած անձանց: Թվարկված անձանց վերջին վեց ամսվա աշխատանքային ստաժը հաշվարկվում է առանց նշված ժամանակահատվածի) (զինծառայողների դեպքում մեկ զորամասից մեկ այլ զորամաս տեղափոխվելը չի դիտարկվում մեկ այլ մարմնի տեղափոխություն, սակայն այդպես է դիտարկվում հանրապետական գործադիր մարմնի փոփոխությունը (օրինակ` Հայաստանի Հանրապետության զինված ուժերի կազմից Հայաստանի Հանրապետության կառավարությանն առընթեր Հայաստանի Հանրապետության ոստիկանության կազմ տեղափոխվելը), կես դրույքից պակաս դրույք (նորմալ աշխատաժամանակի 50 տոկոսից պակաս աշխատաժամանակ) ունեցող անձանց, հղիության եւ ծննդաբերության, ինչպես նաեւ մինչեւ երեք տարեկան երեխայի խնամքի համար տրամադրվող նպատակային արձակուրդում գտնվող անձանց, «Հանրային ծառայության մասին» Հայաստանի Հանրապետության օրենքի իմաստով բարձրաստիճան պաշտոնատար անձանց վրա:
Կենսաթոշակային համակարգի իրազեկման կենտրոն
«ԺՈՂՈՎՈՒՐԴ». Ավելացնենք, որ սոցփաթեթը ներառում է. առողջապահական փաթեթ` բժշկական օգնության եւ սպասարկման կազմակերպում ու ֆինանսավորում; հիփոթեքային վարկի ամսական վճարի մարում; ուսման վճար` ԿԳՆ կողմից հաստատված ուսումնական ծրագրերով; հանգստի ապահովում ՀՀ-ում եւ ԼՂՀ-ում ծառայությունները:
.gif)
