Ողբերգական վթար` Արագածոտնի մարզում. մահացածը որդուն բանակ ճանապարհելուց էր վերադառնում

Հուլիսի 30-ին, ժամը 13:57-ին «911» ծառայությանն ահազանգ է ստացվել, որ Աշտարակ-Բյուրական ավտոճանապարհին տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:

Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ Աշտարակ-Բյուրական ավտոճանապարհի 5-րդ կմ-ին բախվել են «ՎԱԶ-21015» մակնիշի (վարորդը` Հ. Ն., 1967 թ.) և «ՎԱԶ-21014» մակնիշի (վարորդի ինքնությունը չի հաջողվել պարզել) ավտոմեքենաները: Բախման հետևանքով «ՎԱԶ-21015» մակնիշի ավտոմեքենայի վարորդը տեղում մահացել է, իսկ «ՎԱԶ-21014» մակնիշի ավտոմեքենայի վարորդը և 4 ուղևորները տեղափոխվել են Աշտարակի ԲԿ:

Փրկարարները հոսանքազրկել են ավտոմեքենաները և փակել գազի բալոնի փականները:

shamshyan.com-ը հայտնում է, որ դեպքի վայրում հավաքվածներն ասում էին, որ 2 վարորդներն էլ Բյուրական գյուղից են, մահացածն էլ տղային մի քանի ժամ առաջ Աշտարակի զիմկոմիսարիատից ճանապարհել էր բանակ և վերադառնում էր գյուղ՝ Բյուրական: