ԼՈՒՐ ԿԱԴՐ

Լուսանկարն արվել է Երեւանի Աբովյան փողոցում

Առնետներն ազատորեն շրջում են Երեւանի փողոցներում: Հավանաբար պատճառն այն է, որ քաղաքապետ չունենք, եւ հսկողությունը կրծողների նկատմամբ թուլացել է:

ՀԱՐՑ. Հետաքրքիր է իմանալ` ի՞նչ խորհուրդ ունի խաղողօրհնեքի տոնը:

Ալիսա Բադալյան (29 տարեկան)

ՊԱՏԱՍԽԱՆ. Սուրբ Աստվածածնի Վերափոխման տոնին` պատարագից հետո, կատարվում է Խաղողօրհնեքի արարողությունը, որի ժամանակ գոհանում ենք բարերար Աստծուց մեզ պարգեւած բերքի համար եւ խնդրում, որպեսզի Նա օրհնի տաճարին ընծայված խաղողի այս պտուղներն Իր սկզբնական օրհնությամբ եւ շնորհի մեզ որպես գինի ուրախության եւ կերակուր առողջության հոգու եւ մարմնի: Միաժամանակ դիմում ենք սուրբ Աստվածածնի բարեխոսությանը, ում միջոցով մեզ տրվեց կյանքի եւ անմահության Պտուղը` Հիսուս Քրիստոս: Վերափոխման տոնի օրը` Ս. Պատարագից հետո, կատարվում է խաղողօրհնության կարգ, եւ ապա օրհնված ողկույզները բաժանվում է ժողովրդին:

Արարատյան հայրապետական թեմ

«ԺՈՂՈՎՈՒՐԴ». Ավելացնենք, որ խաղողը հարկ է կրկնակի օրհնության արժանացել` օրհնելով ե՛ւ առաջին արարչության ժամանակ, ե՛ւ երկրորդ, որպեսզի այդ մասնավոր ընծայով բոլոր պտուղները օրհնություն ընդունեն:

ՀԱՐՑ. Խնդրում եմ` ասեք` Հայրենական մեծ պատերազմի վետերանների ավանդների փոխհատուցում ստանալու իրավունքն ի՞նչ կարգով է կազմակերպվում: Հաշվառման համար դիմելու ժամկետի սահմանափակում կա՞: Եվ ուզում եմ իմանալ` կարո՞ղ են վետերանները փոխհատուցում ստանալ մահացած ամուսնու կողմից ներդրված ավանդների դիմաց:

Եպրաքսիա Մովսիսյան (75 տարեկան, 3-րդ կարգի հաշմանդամ)

ՊԱՏԱՍԽԱՆ. Տեղեկացնում ենք, որ Ժամկետի սահմանափակում չկա: Փոխհատուցում uտանալու համար Հայրենական մեծ պատերազմի վետերանը հաշվառման նպատակով իր փաuտացի բնակության վայրի սոցիալական ծառայություններ տրամադրող տարածքային մարմին (Փարոս) անձամբ կամ լիազորագրի հիման վրա գործող ներկայացուցչի միջոցով ներկայացնում է սահմանված ձեւի դիմում եւ հաշվառման համար անհրաժեշտ փաստաթղթեր: Հայրենական մեծ պատերազմի վետերանի պահանջով սոցիալական ծառայություններ տրամադրող տարածքային մարմինը հաշվառումը կարող է իրականացնել վետերանի բնակության վայրում` կազմակերպելով տնային այցելություն (ներառում է այցելություն բուժման վայր):
Միաժամանակ հայտնում ենք, որ եթե Հայրենական մեծ պատերազմի վետերանի` ավանդատու հանդիuացող ամուuինը մահացած է եւ մահացած ամուuնու անունով ներդրված ավանդը ներդրվել է նրանց համատեղ ամուuնական կյանքի ընթացքում, ապա մահացած ամուuնու ավանդի 50 տոկոuի դիմաց կենդանի ամուuնու համար փոխհատուցում uտանալու իրավունքը ճանաչվում է որպեu ավանդի նկատմամբ մահացածի հետ ընդհանուր համատեղ uեփականության իրավունք:

Կենսաթոշակային համակարգի իրազեկման կենտրոն

«ԺՈՂՈՎՈՒՐԴ». Ավելացնենք, որ հայրենական մեծ պատերազմի վետերանների ավանդների փոխհատուցումը վճարվում է Հայփոստի բաժանմունքի սպասարկող անձի կողմից տուն առաքելու միջոցով (ավանդատուի պահանջով այն կարող է վճարվել նաեւ բաժանմունքում):