Երեկ հայտնի դարձավ, որ ՀՀ գլխավոր դատախազությունը մերժել է ՀՀ երկրորդ նախագահ Ռոբերտ Քոչարյանի խափանման միջոցը փոխելու վերաբերյալ ՀՀ ԱԺ պատգամավորների միջնորդությունը: «Ժողովուրդ» օրաթերթի հետ զրույցում ՀՀ երկրորդ նախագահի պաշտպան Հայկ Ալումյանը հայտնեց, որ պատգամավորները Քոչարյանին ազատ արձակելու համար պատրաստ են յուրաքանչյուրը 500 հազար դրամ գրավ վճարել:
«Պատգամավորները երաշխիք էին տվել. դա նախատեսում է, եթե դատախազությունը բավարարի պատգամավորների երաշխավորությունը, ապա նրանք 500 հազար դրամ պետք է վճարեին որպես երաշխիքի գումար: Հիմա դա մերժվեց: Եթե դատախազությունը պատգամավորների երաշխավարությամբ բաց թողներ, իհարկե, մենք այսօր անելիք չէինք ունենա, անգամ մեր բողոքից կհրաժարվեինք, բայց քանի որ բաց չեն թողել, մենք այսօր պնդելու ենք մեր բողոքը»,- ասել է նա:
Հիշեցնենք, որ այսօր ՀՀ վերաքննիչ դատարանում կայանալու է Քոչարյանի կալանավորման որոշման դեմ բողոքի քննությունը:
.gif)
