Կատալոնիայի Ժեներալիտետի առողջապահության խորհրդի կայքում օգոստոսի 10-ին հրապարակված տվյալների համաձայն՝ Իսպանիայում շոգից մահացածների թիվը հասել Է 17-ի: Ավելի վաղ հաղորդվել Էր 12 զոհվածների մասին, տեղեկացնում Է «Արմենպրես»-ը:
Նշվում Է, որ Կատալոնիայում տապից մահացել Է եւս հինգ մարդ: Խոսքը վերաբերում Է 52-ից մինչեւ 81 տարեկան երկու տղամարդու եւ երեք կնոջ: Նրանցից երեքը մահացել են մունիցիպալիտետի Օսպիտալետ հիվանդանոցում (Բարսելոնայի նահանգ), մեկ մարդ մահացել Է Ֆիգերաս քաղաքի հիվանդանոցում, հինգերորդ զոհը գրանցվել Է Բարսելոնայում: Ավելի վաղ տեղեկացվել Էր, որ Կատալոնիայում մահացել Է վեց մարդ՝ չորս հոգի մահացել Է Էստրեմադուրայում, երկուսը՝ Մուրսիայում: Այսպիսով, Իսպանիայում տապի զոհերի թիվը հասել Է 17-ի:
Անցյալ շաբաթվա կեսերին Իբերիական թերակղզում շոգ եղանակ Է հաստատվել, որոշ շրջաններում ջերմաչափի սյուները բարձրացել են մինչեւ 40 աստիճան: Երկուշաբթի օրվանից շոգն սկսել Է թուլանալ, հաղորդել Է ՌԻԱ Նովոստին:
.gif)
