Երրորդմասցի Լյովիկի և նրա երկու ընկերների սպանության համար Վահան Հակոբյանը, Սարգիս Գրիգորյանը և Սարգիս Հախանումյանը մեղավոր ճանաչվեցին և դատապարտվեցին 18 տարվա ազատազրկման։
Հիշեցնենք, որ մեղադրող դատախազ Արամ Արամյանը երեք ամբաստանյալների համար ցմահ ազատազրկում էր պահանջել։ Իսկ պաշտպանական կողմն արդարացում էր պահանջում՝ նշելով, որ ցանկացած դատական ակտ ապօրինի է լինելու։
Համաձայն մեղադրական եզրակացության, 2015թ. մարտի 4-ին` ժամը 13:50-ի սահմաններում, Վահան Հակոբյանը (Գաստիկ), Սարգիս Հախանումյանը (Տլեն) և Սարգիս Գրիգորյանը (Ծգլ), նախնական համաձայնությամբ, շատերի կյանքի համար վտանգավոր եղանակով, երկու և ավելի անձանց ապօրինաբար կյանքից զրկելու դիտավորությամբ, իրենց մոտ ապօրինի պահվող մարտական ակոսափող հրազեն հանդիսացող թվով 3 ինքնաձիգներից կրակահերթ են արձակել քրեական հեղինակություն Լևոն Ղազարյանի, Դրաստամատ Թադևոսյանի և Մեսրոպ Նազարյանցի ուղղությամբ, ինչի հետևանքով ստացված հրազենային վնասվածքներից Մ.Նազարյանցը` տեղում, իսկ Լ.Ղազարյանն ու Դ.Թադևոսյանը «Էրեբունի» բժշկական կենտրոն տեղափոխվելու ճանապարհին մահացել են:
.gif)
