ՀՀ վարչապետ Նիկոլ Փաշինյանն ուղիղ եթերում խոսել է նաև Շանթ Հարությունյանի ազատ արձայման մասին: Նա նշել է, որ խոսել է Հարությունյանի հետ, ընկերաբար խնդրել է, որ նա օգտվի բաց ռեժիմի մեխանիզմից, բայց Շանթ Հարությունյանը մերժել է:
«Այն պահից, երբ վարչապետ եմ ընտրվել քաղբանտարկյալների ազատությունը եղել է առաջնահերթություններից մեկը: Մենք գտանք մեխանիզմ, որ դատապարտված անձի պահման ռեժիմը փոխվում է բաց ռեժիմի, որից հետո նաև տրվում է արձակուրդ և նա ըստ էության 24 ժամ լինում է ազատության մեջ պայմանով, որ իր ներկայությունը կհաստատի ստորագրությամբ: Ես խնդրեցի Շանթ Հարությունյանին ուղեկցել Վարդաշեն ՔԿՀ պետի առանձնասենյակ և ես Բաղրամյան 26-ից առանձնազրույց ունեցա նրա հետ: Նա ասաց, որ պահանջում է արդարացնել իրեն: Ես նրան ասացի, որ դատական իշխանությանը հրահանգներ չեմ տալու»,-ներկայացրեց Փաշինյանը:
Փաշինյանը հայտնեց՝ ինքը Հարությունյանին ասել է, որ երբ համաձայնի այդ մեխանիզմից օգտվել, կլինի ազատության մեջ:
Մանրամասները՝ տեսանյութում
.gif)
