Խաղողագործները փակել են Արմավիր-Երևան ճանապարհը. նրանք բողոքում են խաղողի մթերման գներից

Արմավիրցի խաղողագործները վաղ առավոտից փակել են Արմավիր-Երևան ավտոճանապարհը, երթևեկությունը կաթվածահար է եղել։

Նրանք Երևանի կոնյակի գործարանի Արմավիրի մասնաճյուղից պահանջում են խաղողի մթերման գինը բարձրացնել։ Ցուցարարների պայմանագրերը հենց այս գործարանի հետ են։

Գյուղացիները խաղող մթերող կազմակերպություններից պահանջում են խաղողը մթերել ոչ թե 140 դրամով, այլ ինչպես ավելի վաղ խոստացել էին՝ 160 դրամով: Նրանք նշում են, որ գարնանը իրենց խոստացել են, որ խաղողը մթերելու են 160 դրամով, բայց հիմա մթերման գին են սահմանել 140 դրամը: