ՀՀ պետական եկամուտների կոմիտեի ղեկավար Դավիթ Անանյանն այսօր ամփոփեց վերջին երեք ամսում իրականացված աշխատանքները։
Այսպես, այս տարվա հունվար-օգոստոս ամիսներին իրականցվել է 619 համալիր հարկային ստուգում և առաջադրվել է լրացուցիչ 13.5 մլրդ դրամի պարտավորություն։ Ըստ ՊԵԿ ղեկավար Դավիթ Անանյանի՝ նախորդ տարվա նույն ժամանակահատվածի համեմատ հարկային ստուգումների քանակը նվազել է շուրջ 16 տոկոսով։ Չնայած ստուգումների քանակի նվազմանը՝ ակտերով արձանագրված գումարը նախորդ տարվա նույն ժամանակահատվածի համեմատ աճել է 1.5 մլրդ դրամով։
ՀՀ պետական եկամուտների կոմիտեն այս տարվա մայիսից սկսած հարկային մարմինը շուրջ 190 գազալցակայաններում իրականացրել է տարբեր հսկողական աշխատանքներ։ Ըստ ՊԵԿ-ի դրանցից 110-ում արձանագրվել են խախտումներ, ինչի արդյունքում կիրառվել են պատասխանատվության միջոցներ։
Բացի այս, 2018 թվականի մայիսից արձանագրվել է գրանցված վարձու աշխատողների աճ։ Ընդ որում հուլիսին մայիսի համեմատ առևտրային հարկ վճարողների մասով առկա է շուրջ 26000 գրանցված աշխատողի ավելացում։
.gif)
