ՏԵՍԱՆՅՈՒԹ. Առաջին անգամ այսպիսի հարձակվողական քաղաքականություն ենք վարում. Կոմանդոս

«Ժողովուրդ» օրաթերթի զրուցակիցն է Արցախի հերոս Արկադի Տեր-Թադեւոսյանը՝ Կոմանդոսը:

-Պարո՛ն Տեր-Թադեւոսյան, ի՞նչ իրավիճակ է այժմ սահմաններին եւ ինչպե՞ս եք գնահատում այդ առումով նոր իշխանությունների մարտավարությունը:

-Դե, տեսնում եք, որ նոր իրավիճակներում մենք առաջին անգամ այսպիսի հարձակվողական քաղաքականություն ենք վարում: Մենք միշտ պաշտպանվել ենք թշնամուց, միշտ սպասել ենք՝ մեզ մի հատ խփեն, նոր մենք պատասխանենք: Բայց հիմա մեր բանակը լուրջ պատրաստվում է, կարող ենք լուրջ հարված հասցնել թշնամուն, եթե ինքն այնպիսի քայլեր անի, ինչպես ապրիլյան պատերազմի ժամանակ: Մենք ապրիլյան պատերազմի ժամանակ պատրաստ չէինք եւ պետք է մեր սխալը ուղղենք, ընդունենք: Բայց մեր ազատամարտիկները օգնեցին մեր հերոս զինվորներին եւ սպաներին, ովքեր առաջին գծում էին, եւ առաջին հարվածն իրենց վրա վերցրեցին: Հիմա ավելի դժվար կլինի, եւ եթե մենք իրար խփենք, մենք կունենանք մարդկային կորուստներ, սակայն թշնամին կոչնչացվի:

-Մենք հիմա որքանո՞վ ենք պատրաստ, եւ այդ հարձակվողական քաղաքականությունը ճի՞շտ է:

-Մեր թշնամուն ոչնչացնելու համար այնքան էլ մեծ պատրաստվածություն պետք չէ: Օրինակ` Բաքվում այնպիսի գործարան կա կամ թույլ տեղեր կան, որտեղ մենք կարող ենք ոչնչացնել: Ապրիլյան պատերազմը մեր ցույց տվեց թույլ տեղերը, այն, ինչ պետք է արվի: Եվ դա արվեց մինչեւ հեղափոխությունը, հիմա էլ, եւ գնալով ուժեղանում են մեր դիրքերն ու բանակը:

Մանրամասները` ArmLur.am-ի տեսանյութում