Պավել Մանուկյանը և Արմեն Բիլյանը հացադուլ են հայտարարել

Ոստիկանության պարեկապահակետային ծառայության (ՊՊԾ) գնդի տարածքը գրավելու մեջ մեղադրվող «Սասնա ծռեր» զինված խմբի կալանավորված անդամներ Պավել Մանուկյանն ու Արմեն Բիլյանն այսօրվա դատական նիստի ժամանակ հայտարարեցին անժամկետ հացադուլի մասին։

Պավել Մանուկյանը հայտարարեց, որ դիմում է ծայրահեղ այդ քայլին որպես բողոքի նշան՝ իրեն կալանքի տակ պահելու որոշման դեմ։ Մանուկյանը կմնա հացադուլի մեջ այնքան, մինչև փոխվի խափանման միջոցը։