Ստամբուլի Շիշլիի շրջանի Մեշրութիյեթ թաղամասի Սամանյոլու փողոցը վերանվանվել է պոլսահայ երջանկահիշատակ լրագրող Հրանտ Դինքի անունով:
Այս մասին, ինչպես հաղորդում է «Արմենպրես»-ը, հայտնում է պոլսահայ «Ակօս» պարբերականը:
Փողոցների վերանվանման նախագիծը հաստատվել է Ստամբուլի քաղաքապետարանի անդամների ձայների մեծամասնությամբ:
Պոլսահայ մտավորական, լրագրող, «Ակօս» թերթի հիմնադիր և նախկին գլխավոր խմբագիր Հրանտ Դինքը սպանվել է 2007թ. հունվարի 19-ին «Ակօս»-ի խմբագրության առջև:
.gif)
