Հայտնի է Կերչի քոլեջում պայթյունի հեղինակը. նա ինքնասպան է եղել

Ղրիմի Կերչ քաղաքի քոլեջում  պայթյունի հեղինակն ինքնասպան է եղել: Հայտնի է, որ նա 22 տարեկան էր, սովորում էր նույն քոլեջի 4-րդ կուրսում:

«Պոտենցիալ մարդասպանն ինքնասպան է եղել:  Նրա մարմինը հայտնաբերվել է 2-րդ հարկի գրադարանում»,- հայտնում են ռուսական լրատվամիջոցները:

Հիշեցնենք, որ Կերչի պոլիտեխնիկական քոլեջում պայթյունի հետևանքով կա 18 զոհ, մոտ 50 վիրավոր: Նրանք քոլեջի սաներ ու դասավանդողներ են: