Ռուսական ֆիրման և վատ համբավ ունեցող հայ տնօրենը շահագործում են վարդենիսցիներին. ինչպե՞ս կարձագանքի Նիկոլ Փաշինյանը. «Ժողովուրդ»

«Ժողովուրդ» օրաթերթը գրում է. «Վարդենիս քաղաքի մի խումբ բնակիչներ նամակ են գրել՝ ուղղված ՀՀ վարչապետի պաշտոնակատար Նիկոլ Փաշինյանին: «Տեղեկացնում ենք Ձեզ, որ Սոթքի ոսկու հանքը մեր տարածաշրջանի բնակչության կենսաապահովման հիմնական ձեռնարկությունն է դեռեւս 1965-70թթ.-ից:

Սակայն հանքի վերջին շահագործողը` ռուսական ֆիրման, ներկայումս անխնա օգտագործելով հանքի բնական պաշարները, ստանալով միլիոնավոր դոլարների գերշահույթներ, դադարել է մտածել բնակչության կենսաապահովման մասին: Այժմ հանքի տնօրեն Արայիկ Միդոյանը, որը լավ համբավ չունի, իրեն պահում է սեփականատիրոջ պես եւ աշխատողներին վերաբերվում է որպես ամենավերջին ստրուկի:

Ամեն ինչ անում է, որպեսզի ամսվա վերջում պլանները չկատարվեն, եւ աշխատողները ստանան չոր աշխատավարձ առանց պարգեւավճարի եւ հավելումների: Հանքի նախկին շահագործողները աշխատակիցներին տրամադրում էին անվճար սնունդ եւ վճարում էին բարձր լեռնային գոտու համար նախատեսված հավելումներ: Իսկ հիմա չկա: 12-14 ժամ աշխատող բանվորները ստանում են 90-110 հազար դրամ աշխատավարձ»,- գրել են նամակում:

Ավելի մանրամասն՝ «Ժողովուրդ» օրաթերթի այսօրվա համարում: