ՏԵՍԱՆՅՈՒԹ. Սարիարի դպրոցի խնդիրը հասավ Շիրակի մարզպետարան

Մեծ Սարիարի դպրոցի խնդիրը հասավ Շիրակի մարզպետարան։ Ցուցարաներին նախ լսել է Շիրակի մարզպետարանի աշխատակազմի կրթության, մշակույթի եւ սպորտի վարչության պետ Հրայր Կարապետյանը։ Վերջինս ասել է, որ խնդրի հասցեատերն ինքը չէ։ Սարիարցիներին նաեւ Շիրակի մարզպետ Կարեն Սարուխանյանն է լսել ու հորդորել նախ ծանոթանալ նոր տնօրենի հետ ու դժգոհության դեպքում կրկին ոտքի կանգնել։

Հիշեցնենք, որ Շիրակի մարզի Սարիար գյուղական բնակավայրի դպրոցում այսօր դասադուլ էր։ Աշակերտական եւ ծնողական հանրույթը դժգոհ է տնօրենի թափուր տեղի համար հայտարարված մրցույթի արդյունքներից։