ԱԺ արտահերթ ընտրություններին նորաստեղծ «Ազգային առաջընթաց» կուսակցությունը հանդես կգա «Նոր իրավիճակ, նոր լուծումներ» կարգախոսով։ Այս մասին այսօր լրագրողների հետ հանդիպման ժամանակ նշեց կուսակցության ցուցակը գլխավորող Լուսինե Հարոյանը: Նա հայտարարեց, որխորհրդարան անցնելու դեպքում հետամուտ են լինելու, որպեսզի վերանա պատգամավորի անձեռնմխելիության ինստիտուտը։
«Մենք նախատեսել ենք, որ նստաշրջանի ընթացքում 25% անհարգելի բացակայությունների դեպքում կամ եթե տվյալ պատգամավորը նստաշրջանի ընթացքում գոնե երկու օրենսդրական նախաձեռնություն չի ունեցել կամ եթե էթիկայի կանոններ է կոպիտ խախտել, այդ պատգամավորը պետք է հետ կանչվի» ,- նշեց նա:
Իսկ «Ազգային առաջընթացի» կողմից Կոտայքի մարզում վարկանշային ընտրակարգով առաջադրված պատգամավորի թեկնածու Հայկ Փայտյանն էլ նշեց, թե Հայաստանն ունի բավարար պոտենցիալ կրթություն արտահանող երկիր դառնալու համար։
.gif)
