ՀՀԿ-ն պետք է մեր քաղաքական դաշտից պարզապես մաքրվի. Էդուարդ Աղաջանյան

«Ժողովուրդ» օրաթերթը քարոզարշավի ընթացքը ամփոփել է Իմ քայլը դաշինքի պատգամավորի թեկնածու Էդուարդ Աղաջանյանի հետ:

-Պարոն Աղաջանյան, ինչպե՞ս կգնահատեք քարոզարշավի ընթացքը:

-Քարոզարշավը բավականին խիտ էր` հաշվի առնելով, որ բոլոր քաղաքական ուժերը ժամկետների տեսանկյունից սահամափակված էին: Ընդհանուր առմամբ` շատ հետաքրքիր էր, առաձնացող եւ տարբերվող նախկիններից` մասնավորապես բոլոր ուժերի հավասար հնարավորթւոյւնների տեսանկյունից ինչպես նաեւ բանավեճի մշակույթի մուտք գործելը, որը հույս ունեմ` այսուհետ մշտապես կլինի մեր քաղաքական կյանքի անբաժանելի մաս:

-Համաձա՞յն եք, որ պայքարը գաղափարական չէ:

-Այո, համաձայն եմ: Ցավոք դա այդպես է, բայց դրա համար կա մի քանի օբյեկտիվ պատճառ: Նախ գործող ընտրակարգը դրան մեծապես նպաստեց, որովհետեւ ես հավատացած եմ, որ ռեյտինգային ընտրակարգը բավականին ապաքաղաքականացնում է քաղաքական գործընթացները: Վստահ եմ` եթե մեր քաղաքական ուժը ստանձնի իշխանությունը, առաջին օրենսդրական նախաձեռնությունը կլինի այս ընտրակարգի փոփոխությունը, որպեսզի մենք հետագայում քաղաքական քննարկումններ ունենանք, ծրագրեր քննարկենք, այլ ոչ թե որոշ թեկնածուների շրջապատի եւ ծանոթության մեծությունից կախված ընտրությունների ելքը որոշվի:

-Հիմնական պայքարը կարծես թե ընթանում է «Իմ Քայլի» եւ ՀՀԿ-ի միջեւ: Ինչո՞վ է սա պայմանովարված:

-Ես կարծում եմ` առաջնային պատճառը այն է, որ ՀՀԿ-ի թիրախում «Իմ Քայլը»դաշինքն է եւ սխալ կլիներ անարձագանք թողնել այդ մեղադրանքները` հաշվի առնելով,կ որ դրանք բավականին ծանր բնույթ են կրում: ՀՀԿ-ի հիշատակումը ամեն հնարավոր առիթիով նպաստում է նրանց ռեյտինգի էլ ավելի իջեցմանը: Ինչքան հաճախ մեր քաղաքացիներին նրանց մասին հիշեցվի, այնքան կնվազի հնարավորությունն ու հավանականությունը նրանց ԱԺ-ում ներկայացված լինելու: Սա բնական է, եթե հաշվի առնենք թե նրանք մեզ ինչ ժառանագություն են թողել: Ինչո՞ւ է «Իմ քայլը» դաշինքի համար սկզբունքային, որ ՀՀԿ-ն չանցնի Աժ: Շատերը ասում են, որ ուշադրության կենտոնում պահելով նրանց, մենք նպատասում ենք նրանց ՊՌ-ին, բայց կարծում եմ` այդ հիմավորումը արդեն իսկ հօդս է ցնդում: Նրանք չպետք է լինեն, որովհետեւ քան դեռ ՀՀԿ-ն Հայաստանի քաղաքական դաշտում կա եւ ակտիվ է, սեւ ու սպիտակի դիսկուրսը լինելու է: Մնացած քաղաքական ուժերը, իրավացիորոն,, փնովում են եւ քննադատում այս բաժանումը, որովհետեւ ըստ էության մենք չենք մտնում բովանդակային քննարկումների մեջ, մենք դաշտը բաժանում ենք սեւ ու սպիտակի, բայց դա ստեղծված իրավիճակն է ապահովում: Հենց սրա համար էլ ՀՀԿ-ն պետք է մեր քաղաքական դաշտից պարզապես մաքրվի:

-ՀՀԿ-ի մասին անընդհատ խոսելով, արդյոք իրենց մասին հիշեցնելու հնարավորություններ չե՞ք ստեղծում: Օրինակ` ՀՅԴ ներկայացուցիչները շեշտեցին, որ մերժվածին նորից մերժելով, իրենց ստվերի հետ կռիվ տալով իրեն գործոն եք դարձնում:

-Այո, ՀՀԿ-ն եւ մասնավորապես Սերժ Սարգսյանը մերժվել են, բայց երբ ՀՀԿ-ն պահպանում է իր որոշակի ներկայացվածությունը Աժ-ում, մենք խնդիր ունենք վերջնականապես մերժելու , որ այդ երեւույթը մեր քաղաքական դաշտում տեղ չունենա: Այն հանդիսանում է հակահեղափոխության ինչ-որ աղբյուր, որը պետք է ի սպառ վերանա մեր քաղաքական ասպարեզից: Դեկտեմբերի 9-ի ընտրություններով մենք եւ մեր քաղաքցիները պետք է վերջնական արձանագրենք ՀՀԿ-ի վախճանը, եւ վերջնական փուլի հասցնենք այն պրոցեսները, որոնք սկսեցին ապրիլ-մայիս ամիսներին:

-Ո՞րն է երաշխիքը, որ նոր իշխանությունները նախկինի սխալները չեն կրկնի:

-Երաշխիքը ՀՀ քաղաքացիներն են, մեր ծագումնաբանությունն է: Մենք գործուղվել ենք կառավարություն ժողովրդի կողմից, որը իրականացրել է հեղափոխություն, հետեւաբար մենք հաշվետու ենք այդ ժողովրդին. դա է կարեւորագույն երաշխիքը, որ բացառված է, թե մենք կկրկնենք նախկինի սխալները: Բնականաբար, մենք կունենանք սխալներ` հաշվի առնելով, որ մարդը սխալական է, բայց այն, որ ՀՀ-ում կբացառվի համակարգային կոռուպցիաան, դա միանշանակ է, եւ մենք այս տեսանկյունից նաեւ ակնկալում ենք ժողովրդի վստահությունը:

-Քաղաքական մենաշնորհի վտանգ չունե՞նք:

-Ոչ: Նախ, որովհետեւ մեր սահամանադրությունը այդ հնարավորությունը չի տալիս: Հիշեցնեմ` գործող սահմանադրությամբ ԱԺ-ի առնվազն մեկ երրորդը պետք է բաղկացած լինի ընդդիմադիր ուժերից, հետեւաբար, եթե նույնիսկ հավաքենք 90 եւ ավել տոկոս, համամասնաբար ընդդիմադիր ուժերը կունենան մեկ երրորդի չափով ներկայացվածություն ԱԺ-ում, որի արդյունքում պատգամավորների թիվը կավելանա: Ինչ վերաբերում է քաղաքական մենաշնորհին, բացի վերը նշված հիմանվորումից, ես կարծում եմ, որ այո, մենք շատ հաճախ քննարկում ենք ՀՀԿ-ին, բայց ես համաձայն չեմ, որ ՀՀ-ում գործող կուսակցությունների շարքում չկան նման ուժեր: Օրինակ, «Լուսավոր Հայաստան»-ը բավականին լավ եւ պատրաստված ուժ է, ըստ իս` հետագայում էլ շաւ ուժեղ եւ արժանի ընդդիմություն կլինի մեզ համար: Նաեւ «Քաղաքացու որոշում» կուսակցությունը ունի այդ պոտեցյալը: Միգուցե նրանք այս անգամ չկարողանան հաղթահարել մվազագույն շեմը, բայց հուսով եմ` հաջորդ ընտրություններին նրանք` որպես գաղափարական այլ ուղղվածություն ունեցող կուսակցություն, կունենան հնարավարություն ներկայացված լինելու ԱԺ-ում եւ լինել արժանապատիվ ընդդիմություն:

-Ասում են` եթե Փաշինյանը չլինի, նրա թիմը չի հավաքի այնքան ձայն, որքան ակնկալվում է:

-Առհասարակ ցանկացած քաղաքական ուժի առաջին համարը միշտ ունենում է որոշակի բոնուսային լեգտիտիմություն, եւ այս տեսանկյունից Իմ քայլը չի առանձնանում այլ քաղաքական ուժերից: Իր բոլոր արժանիքները հաշվի առելով իհարկե, թույլ տվեք ասել, որ ինքը միայնակ չէր կարողանա իրականացնել հեղփոխություն. դա մենք արել ենք մեր քաղաքական թիմով, իսկ որ ավելի կարևոր, դա առաջին հերթին արդել են մեր քաղաքացիները: Ես վստահ եմ, որ հետագա 5 տարիներին մեզ սպասվում են նոր քաղաքական դեմքերի ի հայտ գալը` ի դեմս Իմ քայլը դաշինքի եւ այնտեղ տեղ գտած քաղաքական գործիչների:

-Դաշնակցությունը բանավեճի ժամանակ արծարծում էր այն միտքը, որ ավելի շատ տեղի է ունեցել անձերի փոփոխություն, ոչ թե հեղափոխություն: Սրա մասին ի՞նչ կասեք:

-Ես ընդհանրապես ՀՅԴ-ի գործիչներին արձագանքելու կարիք չեմ տեսնում: Կարծում եմ` իրենք իրենց անցած ճանապարհով իրենց վերջնականապես դելեգիտամցրել են եւ նրանց արձագանքելու նպատակահարմարություն չեմ տեսնում:

-Կառավարությո՞ւն եք գնալու, թե՞ խորհրդարան:

-Կորոշի քաղաքական թիմը:

-Իսկ անձամբ դուք ի՞նչ եք ցանկանում:

-Հաշվի առնելով, որ 7 ամիս է` զբաղեցնում եմ վարչապետի աշխատակազմի զեկավարի պաշտոնը եւ հաշվի առնելով, որ որոշակի գործ արդեն արվել է եւ ընթացքի մեջ է, իմ անձնական նախընտրությունն է վերանշանակվել եւ շարունակել սկսած գործը:

-Վարչապետը խոսել էր նախարարությունների թվի օպտիմալացման մասին: Արդեն կա՞ ուրվագծված` ի՞նչ է լինելու:

-Դեռ ոչ: Ձեր նշած հարցը քննարկման փուլում է: Այն պահին, երբ մենք արդեն նախագիծ կունենանք, մինշանակ, կներկայացնենք հանրությանը: Այդ որոշումը միանգամից չի լինի, որովհետեւ, այն ենթադրում է որոշակի հանրային քննարկումների մի քանի փուլ, որի արդյունքում նոր մենք կկարողանանք վերջնական որոշման գալ:

Լուսինե Մինասյան