ՀՀ տրանսպորտի, կապի և տեղեկատվական տեխնոլոգիաների նախարարությունը
տեղեկացնում է, որ դեկտեմբերի 9-ին՝ ժամը 10:00-ի դրությամբ, Սևանի,
Հրազդանի, Եղեգնաձորի, Սիսիանի, Գորիսի, Մեղրիի, Սպիտակի, Թալինի, Արթիկի,
Ապարանի, Արագածի, Գավառի ավտոճանապարհներին ձյուն է տեղում։
Որոշ ավտոճանապարհներին մառախուղ է, տեսանելիությունը Դիլիջանի
ոլորաններում՝ 50-70 մետր, Գորիսի և Արագածի ավտոճանապարհներին՝ 10-15
մետր, Մեղրիի ավտոճանապարհներին՝ 60-70 մետր, Արթիկի և Ապարանի
ավտոճանապարհներին՝ 80-100 մետր, Արարատի և Վայքի ավտոճանապարհներին՝ 50-60
մետր։
Մարալիկ- Լանջիկ ճանապարհահատվածում տեղ-տեղ մերկասառույց է։
Ծանրաքաշ և կցորդիչով տրասնպորտային միջոցների համար Վարդենյաց լեռնանցքը
փակ է:
Ճանապարհաշինարարներն ավտոճանապարհներին կատարում են մաքրման և աղով,
ավազով մշակման աշխատանքներ:
Միջպետական և հանրապետական նշանակության ավտոճանապարհների վիճակի
վերաբերյալ ամբողջական և օպերատիվ տեղեկատվություն քաղաքացիները կարող են
ստանալ ինչպես նախարարության պաշտոնական կայքից (www.mtcit.am, ինչպես նաև
www.ard.am), այնպես էլ նախարարությունում շուրջօրյա գործող (010) 56-25-33
տեղեկատու հեռախոսահամարով:
ՀՀ տրանսպորտի, կապի և տեղեկատվական
տեխնոլոգիաների նախարարության
լրատվական ծառայություն
.gif)
