Մասնավոր դրամական փոխանցումների ծավալն աճել է. «Ժողովուրդ»

«Ժողովուրդ» օրաթերթը գրում է. «Այս տարվա հունվար-հոկտեմբեր ամիսներին բավական ավելացել են արտերկրից Հայաստան մասնավոր դրամական փոխանցումների ծավալները: Եթե 2017 թվականին ֆիզիկական անձանց անունով առեւտրային բանկերի միջոցով արտերկրից փոխանցվել էր 1 մլն 397 հազար 721 դոլար, ապա այս տարի այդ թիվը հասել է 1 մլն 456 հազար 230 դոլարի՝ մոտ 4 տոկոսով ավելի:

Միաժամանակ, «Ժողովուրդ» օրաթերթը պարզեց, որ եթե սեպտեմբերին տրանսֆերտները կազմել էին 151 հազար 682 հազար դոլար, ապա հոկտեմբերին դրանք հասել են 177 հազար 107 դոլարի: Այս տարվա հոկտեմբեր ամսվա ընթացքում մասնավոր փոխանցումները շատ են նախորդ տարվա նույն ժամանակահատվածի համեմատ եւս. 2017 թվականի հոկտեմբերին ՀՀ փոխանցվել էր 162 հազար 979 դոլար: Նշենք, որ մասնավոր փոխանցումների առյուծի բաժինը ՌԴ-ից է»:

Ամբողջական հոդվածը՝ օրաթերթի այսօրվա համարում