Վերջերս մամուլում շատ են տեղեկությունները, որ Մադրիդի Ռեալի պաշտպան Մարսելոն կարող է լքել թիմը եւ տեղափոխվել «Յուվենտուս»: Մարսելոն էլ իր հերթին ավելի էր բորբոքել խոսակցությունները` նշելով, որ կարոտում է իր նախկին թիմակից Կրիշտիանու Ռոնալդուին:
Սակայն Մարսելոն իր վերջին հարցազրույցում փորձել է դադարեցնել այդ խոսակցությունները` նշելով, որ մադրիդյան գրանդից կհեռանա միայն աննախադեպ իրավիճակում. «Ես հանդիսանում եմ «Ռեալի» ֆուտբոլիստ, ունեմ դեռևս գործող պայմանագիր, բայց ամեն բան կարող է փոխվել: Եթե ղեկավարությունը ցանկանա` կհեռանամ: Եթե զգամ, որ ինձ այլևս այստեղ չեն գնահատում, ապա ես կլքեմ:
Միանշանակ ես կտխրեմ, բայց կհեռանամ: Միևնույն ժամանակ՝ ես վստահ եմ, որ ինձ թիմից չեն հանի»,- Մարսելոյի խոսքերը փոխանցում է ESPN-ը:
.gif)
