Երեկ՝ փետրվարի 23-ին, «Զվարթնոց» միջազգային օդանավակայանում ոստիկանության քրեական հետախուզության գլխավոր վարչության և ոստիկանության Զվարթնոցի բաժնի ծառայողները, ձեռնարկված օպերատիվ հետախուզական միջոցառումների շնորհիվ, Ստամբուլ-Երևան ինքնաթիռի ժամանումից հետո ոստիկանության Զվարթնոցի բաժին են բերման ենթարկել մի քաղաքացու․ հայտնում է Shamshyan.com-ը։
Բերման ենթարկվածը Իրանի Իսլամական Հանրապետության քաղաքացի 33-ամյա Ռամին Վալադանն է: 2018 թ.-ի նոյեմբերից նրա նկատմամբ հայտարարվել էր միջազգային հետախուզում Իրանի քրեական օրենսգրքի խարդախության հոդվածով:
Ռ. Վալադանը տեղափոխվել է ձերբակալվածների պահման վայր, իսկ նրա հայտնաբերման մասին արդեն տեղակացվել է Հայաստանում Ինտերպոլի ազգային կենտրոնական բյուրո:
Ըստ աղբյուրի՝ նա Թուրքիայի Անթալիա քաղաքում գործող «Ռոյալ» հեռուստաընկերության տնօրենն է:
.gif)
