Ինչպիսին կլինի եղանակն առաջիկա օրերին

Հանրապետության տարածքում մարտի 8-ի գիշերը շրջանների զգալի մասում, 8-ի ցերեկը Վայոց ձորում, Սյունիքում և Արցախում սպասվում են տեղումներ, լեռնային և նախալեռնային շրջաններում` ձյան, հովտային շրջաններում` անձրևի տեսքով: Մարտի 9-12-ը սպասվում է առանց տեղումների եղանակ:

Քամին՝ հյուսիս-արևմտյան` 3-8 մ/վ, առանձին շրջաններում սպասվում է քամու ուժգնացում՝ 15-20 մ/վ:

Օդի ջերմաստիճանը 9-11-ն աստիճանաբար կբարձրանա 6-7 աստիճանով:

Երևան քաղաքում մարտի 8-ի գիշերը սպասվում են տեղումներ, քաղաքի բարձրադիր վայրերում՝ թաց ձյան, ցածրադիր գոտում՝ անձրևի տեսքով: Մարտի 8-ի ցերեկը, 9-12-ին սպասվում է առանց տեղումների եղանակ: