ՏԵՍԱՆՅՈՒԹ. Ես հրաժարական չեմ տալու. Զարթոնքի գյուղապետը չի հանձնվում

Առավոտյան ժամը 10:00-ից Արմավիրի Զարթոնք գյուղի բնակիչները պահանջում են գյուղապետ Պարույր Սարգսյանի հրաժարականը։ Գյուղացիները բողոքը բացատրում են տարիներ շարունակ գյուղում տիրող ապօրինություններով։

Գյուղացիների խոսքով` գումարներ են դուրս գրվել անապահով ընտանիքների համար, սակայն փողերը ընտանիքներին չեն հասել։ Գյուղացիներից մեկի խոսքով` Մարզպետարանից իրեն հատկացված գումարը իրեն չի հասել։ Բնակիչները բարձրայնում են նաև մի շարք այլ խնդիրներ։

Armlur.am-ը զրուցեց գյուղապետ Պարույր Սարգսյանի հետ։ Վերջինս ասաց, որ տարիներ շարունակ նամակներ է գրել ղեկավարներին գյուղի խնդիրների մասին։ Նա ասաց, որ հրաժարական չի տալու:

«Այս մարդկանցից մեկը ինձ հետ թեկնածություն է դրել եւ քիչ ձայներ է տարել։ Հիմա էլ Սուրեն Պողոսյանն է ուզում թեկնածություն դնել։ Խնդիր չկա երբ որ ժամանակը կգա, ես իմ լիազորություննները կդադարեցնեմ, թող դնեմ»- ArmLur.am-ի հետ զրույցում ասաց գյուղապետ Սարգսյանը։

Մանրամասները` ArmLur.am-ի տեսանյութում: