Երեկ Ազգային ժողովում տեղի ունեցած արտահերթ նիստի օրակարգում ընդգրկված էր մեկ հարց՝ «Աջակողմյան ղեկային տեղաբաշխմամբ տրանսպորտային միջոցների ներմուծումն արգելելու մասին Հայաստանի Հանրապետության օրենքում փոփոխություն կատարելու մասին» օրենքի նախագիծը: Օրենքի նախագծի հեղինակը ՀՀ կառավարությունն է:
Նշեն, որ օրենքի նախագիծը արտահերթ նիստի օրակարգ մտցվեց, ըստ էության, այն պատճառով, որ վարորդների կողմից պարբերաբար բարձացվում էր հարցը: Օրեր շարունակ այս կապակցությամբ բողոքի ակցիաներ անցկացվեցին:
Օրենքը թույլ է տալու, որ ՀՀ մաքսային տարածքներում տեղակայված աջ ղեկային տեղաբաշխմամբ տրանսպորտային միջոցները, ինչպես նաեւ այն աջակողմյան ղեկային տեղաբաշխմամբ տրանսպորտային միջոցները, որոնք ձեռք են բերվել մինչ 2018-ի դեկտեմբերի 30-ը, առաջարկվող նախագծով կարող են Հայաստան ներմուծվել մինչ այս 2019 թվականի մայիսի 1-ը: Նիստի ժամանակ հարցեր ծագեցին, թե հնարավոր է, որ ժամկետները երկարաձգվեն, որովհետեւ կան քաղացիներ, որոնք կցանկանան մեքնաներ ներմուծել:
Սակայն, ինչպես պարզ դարձավ Կապի եւ տրանսպորտի նախարարությունում, այս հարցը բավականին սկզբունքային է դրված: Նախարար Հակոբ Արշակյանն էլ նիստի ժամանակ նշեց, որ սա միտված է կուտակված ավտոմեքենաների հարցը լուծելուն եւ նախկին օրենքի վերաբերյալ թյուրըմբռնումների արդյունքում իրավիճակային լուծում տալուն: Նախարարը նշեց, որ դրանից հետո օրենքի որեւէ փոփոխություն չի նախատեսվում:
ԱԺ-ն միաձայն ընդունեց նախագիծը: Նախագծին կողմ քվեարկեց 97 պատգամավոր, դեմ ձայներ չկային :
Լուսինե Մինասյան
.gif)
