2016-ի օֆշորային սկանդալի գործով Միհրան Պողոսյանը հրավիրվել է ՀՔԾ

Մար 22,2019 16:57
ՀԵՏԵՎԵՔ ՄԵԶ Telegram-ՈՒՄ

Հանրապետական կուսակցության (ՀՀԿ) նախկին պատգամավոր, Դատական ակտերի հարկադիր կատարման (ԴԱՀԿ) ծառայության նախկին ղեկավար Միհրան Պողոսյանը հրավիրվել է Հատուկ քննչական ծառայություն (ՀՔԾ) հարցաքննության՝ 2016-ի օֆշորային սկանդալի գործով, «Ազատության» հարցմանն ի պատասխան ասաց ՀՔԾ խոսնակ Մարինա Օհանջանյանը։

Օհանջանյանի խոսքով, Պողոսյանը չի ներկայացել հարցաքննության՝ պատճառաբանելով, որ արտերկրում է։

Պողոսյանն առաջարկել է իրեն հարցաքննել տեսակապի միջոցով, ինչը մերժվել է, քանի որ, ըստ ՀՔԾ խոսնակի, այդպիսի ընթացակարգ օրենքով նախատեսված չէ։

Վարույթն իրականացնող մարմինը Պողոսյանին կրկին հրավիրել է հարցաքննության՝ առաջարկելով հայտնել Հայաստան վերադառնալու ժամկետները։

Այլ մանրամասն չի հաղորդվում։




Լրահոս

ԿԱՐԴԱՑԵՔ ՆԱԵՎ

Նման նյութեր