Այսօր «Պոստ Սկրիպտում» մամուլի ակումբում տեղի ունեցած մամուլի ասուլիսի ժամանակ բանախոսներ Շարժական սրճարանների միության սեփականատերեր Արեն Մելիքյանը եւ Հրաչ Դավթյանը դժգոհեցին. քաղաքապետարանի առևտրի վարչությունն ու ՀԷՑ-ը անօրինական հոսանքազրկել են բոլոր շարժական առեւտրի կետերը:
Վերջիններս պահանջում են քաղաքապետարանից գոնե ժամանակավոր լուծումներ առաջարկել, մինչ այս ամենը կկարգավորվի օրենքներով:
Քաղաքապետարանից սեփականատերերին ասել են, որ ՀԷՑ-ի տրամադրած թուղթը անօրինակ է: Սեփականատերերը վստահ են` եթե դիմեն դատարան, ապա կշահեն դատը, սակայն այդ ամենի համար մեծ ժամանակ է պահանջվում, իսկ մինչ այդ շրջիկ առեւտրի կետերի աշխատանքը կկանգնի, աշխատողները կմնան գործազուրկ:
Երեւանի քաղաքապետարանի մամուլի խոսնակ Հակոբ Կարապետյանից ArmLur.am-ը ճշտեց, թե ինչ է պատրաստվում անել քաղաքապետարանը, արդյոք կլինեն միջանկյալ լուծումներ:
«Ես չեմ հասցրել ծանոթանալ ասուլիսի արդյունքներին, այսինքն` չգիտեմ ինչ հայտարարություններ են հնչել ասուլիսի ընթացքում: Համենյան դեպս, քաղաքապետարանի դիրքորոշումը այս հարցում հստակ է: Մենք գիտենք, որ ոլորտը օրենքով չի կարգավորովում, դա նշանակում է, որ արգելող դրույթներ չկան շարժական առեւտուրը կարգավորելու, բայց չկան նաեւ կարգավորումներ, եւ ինչ վերաբերել է քաղաքապետարանին, այսինքն` ձեռնարկատերերի հարցումների, դիմումներին ի պատասխան քաղաքապետարանը այս հանգամանքը շեշտել է` դրանից բխող հետեւանքներով:
Այսինքն` եթե ոլորտը չի կարգավորովում, համապատասխանաբար ձեւավորվում են բիզնեսի պայմաններ եւ համապասխան ռիսկեր: Քաղաքապետարանը մինչեւ օրենսդրական կարգավորումը ուղղակի հարցում է արել, առաջարկել է էլեկտրական ցանցերին եւ մի շարք տեսչական մարմիններին, մասնավորապես` սննդի անվտանգության պետական ծառայությանը, բնապահպանության եւ ընդերքի տեսչական մարմնին, հակահրդեհային անվտանգությունը վերահսկող մարմնին, ինչպես նաեւ ՃՈ-ին ստուգելու այդ առեւտրի կետերի գործունեության համապատասխանեցմանը նորմերին:
Մասնավորապես, մենք գիտենք, որ այս օրերին ՀԷՑ-ը կատարել է որոշակի գործողություններ քաղաքապետարանի դիմումների հիման վրա»,-ArmLur.am-ի հետ զրույցում ասաց Կարապետյանը:
.gif)
