Հայաստանից Օմսկ ուղեւորվող ավտոբուսը կողաշրջվել է Ստավրոպոլի մայրուղու վրա, որի հետեւանքով տուժել է երեք մարդ, հաղորդում է ՏԱՍՍ-ը՝ հղում անելով մարզում ԱԻՆ-ի գլխավոր վարչության մամուլի ծառայությանը:
Վթարը տեղի է ունեցել կիրակի առավոտյան: «Միներալնիե Վոդի-Կոչուբեյ ավտոճանապարհի 257-րդ կմ-ի վրա Երեւանից Օմսկ ուղեւորվող Nissan Elgrand մակնիշի միկրոավտոբուսը կողաշրջվել է անվադողի վնասման պատճառով: Միկրոավտուբուսում եղել է ութ մարդ (բոլորը չափահասներ). տուժել է երեք մարդ»,-ասվում է հաղորդագրության մեջ:
Տուժածները տեղափոխվել են հիվանդանոց. նախնական տվյալներով՝ նրանք ստացել են փափուկ հյուսվածքների թեթեւ վնասվածքներ. զոհեր չկան: Բոլոր տուժածները ՀՀ քաղաքացիներ են: ՃՏՊ-ի վայրում աշխատում են արտակարգ ծառայությունների ներկայացուցիչները:
Ըստ տարածաշրջանում ՆԳՆ-ի գլխավոր վարչության տվյալների՝ «ավտոմեքենայի վարորդը չի կարողացել կառավարել այն, որի հետեւանքով միկրոավտոբուսը կողաշրջվել է: Նախնական վարկածներից մեկի համաձայն՝ տվյալ վթարի պատճառներից ձմեռային անվադողերն էին»,-ասել են վարչությունում՝ հավելելով, որ այժմ որոշվում է ուղեւորներին նշանակետին հասցնելու հարցը:
Դեպքի հանգամանքները ստուգվում են, անցկացվում է քննություն:
.gif)
