Թուրքիայի խորհրդարանի հայ պատգամավոր Կարո Փայլանը Twitter-ի իր էջում անդրադարձել է թուրքական հեռուստաընկերություններից մեկի ուղիղ եթերով հայ երեխայի կրոնափոխության թեմային։
Կարո Փայլանը գրել է․ «Խոսել եմ Արթուրի մոր հետ։ Նա շեշտել է, որ առանց իր համաձայնության են 13-ամյա երեխային տարել ուղիղ եթեր։ Երեխային բռնությամբ կրոնափոխ արած հաղորդման դեմ բողոք եմ ներկայացնելու Ռադիոհեռուստաընկերությւոնների խորհուրդ եւ դատախազություն»։
Նշենք, որ ավելի ուշ Արթուրի մայրը հայտնել էր, թե իր որդին իրականում մահմեդականություն չի ընդունել, նա պարզապես խաբեության զոհ է դարձել։
.gif)
