Ստամբուլում հայ կնոջ են դանակահարել

Ստամբուլի հայաշատ Սամաթյա թաղամասում անհայտ անձիք տան մուտքի մոտ հարձակվել են հայաստանցի կնոջ վրա, դանակահարել եւ արագ հեռացել՝ ասելով, թե սա դեռ սկիզբն է։

Հարեւաններն արագ հիվանդանոց են հասցրել վիրավոր կնոջը։ Բժիշկների հավաստմամբ՝ նրա կյանքին վտանգ չի սպառնում։

Հայաստանցի ամուսինների տան պատին սպառնալից գրառումներ են եղել եւ խաչ է գծված եղել։

Արքեպիսկոպոս Աթեշյանը խնդրի հետ կապված հեռախոսազրույց է ունեցել Ստամբուլի ոստիկանապետի եւ Ֆաթիհի շրջանի ոստիկանապետի հետ։ Հեռախոսազրույցի ընթացքում արք․ Աթեշյանին վստահեցրել են, որ գտնեն հանցագործներին եւ կբարձրացնեն անվտանգության միջոցառումները հայաշատ թաղամասերում։